यवतमाळ, भंडारा, नांदेड, पालघरमध्ये १४ जणांना करोना; जळगावमध्ये एकाचा मृत्यू

यवतमाळ, भंडारा, नांदेड, पालघरमध्ये १४ जणांना करोना; जळगावमध्ये एकाचा मृत्यू

राज्यात आज यवतमाळ, नांदेड, भंडारा आणि पालघरमध्ये एकूण १४ करोनाबाधित सापडले असून जळगाव जिल्ह्याच्या अमळनेरमध्ये एकाचा मृत्यू झाला आहे. भंडाऱ्यात पहिलाच करोना रुग्ण सापडल्याने खळबळ उडाली असून आरोग्य यंत्रणेने करोनाचा प्रादुर्भाव वाढू नये म्हणून हालचाली सुरू केल्या आहेत.


यवतमाळच्या आयसोलेशन वार्डमध्ये भरती असलेल्या आणखी ११ जणांचे रिपोर्ट्स पॉझेटिव्ह आले आहे. काल सायंकाळी ५ तर आज पहाटे ६ वाजेपर्यंत एकूण ११ जणांचे पॉझिटिव्ह रिपोर्ट आले. त्यामुळे आयसोलेशन वार्डमध्ये उपचार घेणाऱ्या रुग्णांची संख्या ६१वर पोहोचली आहे. हे सर्व जण पॉझिटिव्ह रुग्णांच्या हायरिस्क कॉन्टेक्टमधील असल्याचे जिल्हा प्रशासनाने सांगितले. तसेच भंडारा जिल्ह्यातील गराडा येथे नागपूरवरून गेलेली एक महिला करोना पॉझिटिव्ह आढळली आहे. या गावात मरकजमधून आलेले काही लोक होते. भंडाऱ्यातील हा पहिलाच करोना रुग्ण सापडल्याने खळबळ उडाली आहे. ही महिला कुणाकुणाच्या संपर्कात आली होती? याचा शोध घेण्यात येत आहे. या महिलेच्या कुटुंबाला क्वॉरंटाइन करण्यात आल्याचं सूत्रांनी सांगितलं.

नांदेड शहरात अबचलनगर भागातील ४४ वर्षीय करोना संशयित रुग्णाचा अहवाल पॉझिटिव्ह आला आहे. या रुग्णावर शासकीय वैद्यकीय महाविद्यालय येथे उपचार सुरू आहेत. नांदेड शहरातील अबचलनगर हा भाग कंटेनमेंट झोन म्‍हणून सील करण्यात आला आहे. या सील करण्यात आलेल्या भागातील जनतेने घरातच राहण्याचं आवाहन करण्यात आलं आहे. तसेच या भागात रुग्णाच्या संपर्कात आलेल्या संशयितांची तपासणी करण्यात येणार आहे. जनतेने घाबरुन न जाता, प्रशासनाने दिलेल्‍या निर्देशाचे पालन करावे आणि अत्‍यंत आवश्‍यक कारणाशिवाय घराबाहेर पडू नये, घरातच राहून कोरोना विरुद्धच्या लढ्यात प्रशासनास सहकार्य करावे, असे आवाहन जिल्हाधिकारी डॉ. विपीन इटनकर यांनी केले आहे.




About Gosip4U

Gosip4U is the digital wing of india - India's leading media and communications group with its interests spanning across country.

0 comments:

Post a Comment

Please add comment