मराठवाडा पीकपाणी परिषदेचा अहवाल मुख़्यमंत्र्यांकडे सोपवण्यात आला

मराठवाडा पीकपाणी परिषदेचा अहवाल मुख़्यमंत्र्यांकडे  सोपवण्यात आला
मराठवाड्याचा अत्यंत जिव्हाळ्याचा प्रश्न असलेल्या पीकपाणी परिषदेचा अहवाल शिवसेना पक्षप्रमुख तथा मुख्यमंत्री उद्धव ठाकरे यांना आज शिवसेना नेते चंद्रकांत खैरे यांनी सुपूर्द केला. यावेळी मुख्यमंत्री उद्धव ठाकरे यांनी याबाबत जलसंपदा मंत्री जयंत पाटील यांच्यासह मंत्रिमंडळाच्या बैठकीत लवकरच निर्णय घेऊ असे सकारात्मक उत्तर दिले.

यावेळी शिवसेना आमदार प्रदीप जैस्वाल, आमदार प्रा. रमेश बोरणारे, आमदार उदयसिंग राजपूत यांची उपस्थिती होती. मराठवाड्यातील अपूर्ण सिंचन प्रकल्प, मृद संधारण, पाणलोट क्षेत्र विकास, नदीजोड प्रकल्प आणि गोदावरी खोऱ्यातील पाणी देण्याबाबत राज्यसरकार सकारात्मक असल्याची ग्वाही मुख्यमंत्री उद्धव ठाकरे यांनी शिवसेना नेते चंद्रकांत खैरे यांना दिली. अहवाल सादर केल्यानंतर मराठवाड्यातील अनेक प्रलंबीत विकासकामांना गती देण्याचे वचन शिवसेना पक्षप्रमुख तथा मुख्यमंत्री उद्धव ठाकरे यांनी दिल्याची माहिती शिवसेना नेते चंद्रकांत खैरे यांनी यावेळी दिली.

About Gosip4U

Gosip4U is the digital wing of india - India's leading media and communications group with its interests spanning across country.