पुलवामा शहिदांना श्रद्धांजली

जम्मू-काश्मीरमधील पुलवामा भागात सीआरपीएफच्या ताफ्यावर झालेल्या क्रूर दहशतवादी हल्ल्याला आज एक वर्ष पूर्ण होतंय. या घटनेची आठवण ठेवत गृह मंत्री अमित शहा आणि संरक्षण मंत्री राजनाथ सिंह यांनी शहीद जवानांना श्रद्धांजली वाहिलीय. दोन्ही केंद्रीय मंत्र्यांनी सोशल मीडियावरून शहिदांना श्रद्धांजली वाहिली. वर्षभरापूर्वी झालेल्या या हल्ल्यात देशानं आपल्या ४० जवानांना गमावलं होतं.
पुलवामा शहिदांना श्रद्धांजली




'मी पुलवामा हल्ल्यातील शहिदांना श्रद्धांजली अर्पण करतो. आपल्या मातृभूमीच्या सार्वभौमत्व आणि अखंडतेसाठी बलिदान देणाऱ्या देशाच्या वीरांचा आणि त्यांच्या कुटुंबियांचा भारत नेहमीच आभारी राहील' असं ट्विट गृह मंत्री अमित शहा यांनी केलंय.
दुसरीकडे, संरक्षण मंत्री राजनाथ सिंह आपल्या ट्विटमध्ये लिहितात, '२०१९ च्या भेकड पुलवामा हल्ल्यात शहीद झालेल्या सीआरपीएफच्या जवानांचं स्मरण करतोय. भारत कधीही त्यांचं बलिदान विसरणार नाही. संपूर्ण देश दहशतवादाविरोधात एकजूटरित्या उभा आहे आणि आमची ही लढाई सुरूच राहील'.
१४ फेब्रुवारी २०१९ रोजी जम्मू-काश्मीरच्या पुलवामामध्ये केंद्रीय राखीव पोलीस दलाच्या (सीआरपीएफ) ताफ्यावर दहशतवादी हल्ला घडवून आणण्यात आला होता. स्फोटकांनी भरलेल्या एका चार चाकी गाडीनं सीआरपीएफच्या ताफ्यातील एका बसला धडक दिली आणि मोठा स्फोट घडवून आणला. या हल्ल्यात ४० जवानांनी आपले प्राण गमावले. या हल्ल्यानं भारतालाच नाही तर जगाला हादरवून टाकलं. या घटनेनंतर भारत-पाकिस्तान संबंध तणावपूर्ण बनले होते.




About Gosip4U

Gosip4U is the digital wing of india - India's leading media and communications group with its interests spanning across country.

0 comments:

Post a Comment

Please add comment