ट्रम्प यांच्यावर ₹ ५.७६ अब्जचे इनाम

अमेरिकेने बगदादमध्ये केलेल्या हवाई हल्ल्यात इराणच्या कुद्‌स फौजांचे प्रमुख जनरल कासीम सुलेमानी मारले गेल्यानंतर दोन्ही देश आमनेसामने उभे ठाकले आहेत. दोन्ही बाजूंनी एकमेकांना धमक्या दिल्या जात असून डोनाल्ड ट्रम्प यांच्या धमकीनंतर इराणनेही ट्रम्प यांच्या शीरच्छेदासाठी ८ कोटी डॉलर (सुमारे ५.७६ अब्ज रुपये) इतक्या रकमेचे इनाम जाहीर केले आहे.
जनरल कासिम सुलेमानी यांच्या अंत्यसंस्कारावेळीच हे इनाम जाहीर करण्यात आले. इराणच्या सर्व नागरिकांनी प्रत्येकी एक डॉलर दान करावा. त्यातून उभी राहणारी ८ कोटी डॉलर इतकी रक्कम डोनाल्ड ट्रम्प यांचा शीरच्छेद करणाऱ्या व्यक्तीस दिली जाईल, असे स्पष्ट करण्यात आले. याबाबतचे वृत्त विविध आंतरराष्ट्रीय माध्यमांत प्रसिद्ध झाले आहे.

दरम्यान, ट्रम्प यांनी इनामाच्या वृत्तानंतर पुन्हा एकदा इराणला धमकावले आहे. ट्विटरच्या माध्यमातून ट्रम्प यांनी इराणला धमकी दिली. इराणने कोणत्याही अमेरिकन व्यक्तीला वा ठिकाणाला लक्ष्य केले तर त्यापेक्षा अधिक जहालपणे त्याला प्रत्युत्तर दिले जाईल, असे ट्रम्प यांनी नमूद केले.


अमेरिकी सरकारच्या वेबसाइट हॅक केल्याचा दावा इराणी हॅकरच्या गटाने केला आहे. अमेरिकेच्या फेडरल जिपॉझिटरी लायब्ररी प्रोग्रामच्या वेबसाइटवर 'इराणीयन हॅकर्स' असा इंग्रजी मजकूर दाखवण्यात येत होता. याशिवाय इराणचे नेते आयातुल्ला अला खामेनी यांचा फोटो आणि इराणचा झेंडाही या वेबसाइटवर दिसत होता. 'इराणच्या सायबर क्षमतेची हा छोटा भाग आहे,' असे वाक्य या वेबसाइटच्या दुसऱ्या पेजवर दिसत होते.




About Gosip4U

Gosip4U is the digital wing of india - India's leading media and communications group with its interests spanning across country.

0 comments:

Post a Comment

Please add comment