‘करोना’ मद्दे भारतीय विद्यार्थी अडकले

‘करोना’  मद्दे भारतीय विद्यार्थी अडकले

करोना विषाणूचा प्रसार देशभर, तसेच जगात होऊ लागल्याने चीनने गुरुवारी वुहानसह तेरा शहरांमध्ये प्रवेशबंदी केली आहे. या शहरांमधील सर्व सार्वजनिक वाहतुकीच्या सेवा बंद करण्यात आल्या आहेत. हुबेई प्रांतातील आठ शहरांत ही प्रवासबंदी आहे. त्यासंदर्भात स्थानिक सरकारने सूचना जारी केली आहे, असे हाँगकाँग येथील 'साउथ चायना मॉर्निंग पोस्ट'ने वृत्तात म्हटले आहे. चीनच्या अर्थ मंत्रालयाने गुरुवारी करोना विषाणूचा प्रसार रोखण्यासाठी हुबेई प्रशासनाला १ अब्ज युआन (१४ कोटी ४० लाख डॉलर) रक्कम देण्याचे जाहीर केले.

करोना विषाणूचा संसर्ग झाल्यामुळे चीनमध्ये मृत्यू झालेल्यांची संख्या २५ वर पोहोचली असून, या विषाणूचा संसर्ग झालेल्या व्यक्तींची संख्या ८३० इतकी झाली आहे. करोना विषाणूचा संसर्ग रोखण्यासाठी चीनमधील १३ शहरांमध्ये प्रवेशबंदी करण्यात आली आहे, अशी माहिती अधिकाऱ्यांनी शुक्रवारी दिली.


चीनमधील राष्ट्रीय आरोग्य आयोगाने दिलेल्या माहितीनुसार, देशातील २० प्रांत विभागांमध्ये आतापर्यंत करोना विषाणूच्या संसर्गची १०७२ प्रकरणे नोंदवण्यात आली आहेत. करोना विषाणूमुळे न्यूमोनिया झालेल्यांची संख्या गुरुवारी ८३० इतकी होती. मृत्यू झालेल्या २५ जणांपैकी २४ जण मध्य हुबेई प्रांतातील आहेत, तर एक उत्तर हुबेई प्रांतातील आहे.
करोना विषाणूचा संसर्ग पसरत असल्याच्या पार्श्वभूमीवर रुग्णांच्या उपचारांसाठी चीन दहा दिवसांत रुग्णालय उभारणार आहे. वुहान शहरात ३ फेब्रुवारीपासून हे रुग्णालय सुरू होण्याची शक्यता आहे, असे वृत्त स्थानिक माध्यमांनी शुक्रवारी दिले.सुमारे २५ हजार चौरस मीटर क्षेत्रफळाच्या या रुग्णालयात १ हजार बेडची सुविधा असेल, असे अधिकाऱ्यांनी शिनुआ वृत्तसंस्थेला सांगितले.
भारतीय विद्यार्थी अडकले
वुहान शहरात प्रवासबंदी लागू करण्यात आल्यामुळे तेथे शिक्षण घेणारे भारतीय विद्यार्थी अडकून पडले आहेत. या शहरात सुमारे ७०० भारतीय विद्यार्थी शिक्षण घेत आहेत. त्यापैकी बहुतांश जण वैद्यकीय शिक्षण घेत आहेत. या विद्यार्थ्यांच्या मदतीसाठी भारतीय दूतावासाने गुरुवारी हेल्पलाइन सुरू केली आहे.

प्रजासत्ताक दिन कार्यक्रम रद्द
करोना विषाणूचा प्रसाराच्या पार्श्वभूमीवर बीजिंगमधील भारतीय दूतावासाने प्रजासत्ताक दिनी होणारा कार्यक्रम रद्द केला आहे. भारतीय दूतावासाने शुक्रवारी सोशल मीडियावरून माहिती दिली.
या विषाणूच्या संसर्गाच्या पार्श्वभूमिवर डिस्नेनी शांघाई शहरातील मेगा थीमपार्क बंद करण्याचा निर्णय घेतला आहे. तसेच, पर्यटकांचे सर्वांत मोठे आकर्षण असलेली चीनची भिंतही बंद करण्यात आली आहे. यासह चीन सरकारने अनेक पर्यटनस्थळे आणि गर्दीची ठिकाणी काही काळासाठी बंद करण्याचा निर्णय घेतला आहे.




About Gosip4U

Gosip4U is the digital wing of india - India's leading media and communications group with its interests spanning across country.

0 comments:

Post a Comment

Please add comment