 |
| वाकड मध्ये एटीएम मद्दे चोरी ..८ लाख पळवले ! |
रविवारी रात्री चोरट्यांनी अॅक्सिस बँकेचे एटीएम फोडले. सोमवारी सकाळी हा प्रकार उघडकीस आला आहे. चोरीचा प्रकार सीसीटीव्ही कॅमेऱ्यात कैद झाला आहे. परंतु, चोरट्यांनी तोंडाला रुमाल बांधल्याने त्यांची ओळख पटू शकलेली नाही. घटनेची माहिती मिळताच सर्वच वरिष्ठ अधिकाऱ्यांनी घटनास्थळी धाव घेतली. पिंपरी-चिंचवडमध्ये गेल्या तीन महिन्यांपासून सातत्याने एटीएम मशिन फोडून त्यातून रोकड चोरीचे प्रकार घडत आहेत. वाकड येथील प्रकारही पोलिस ठाण्यापासून जवळच असलेल्या परिसरात घडला आहे. चाकण येथून तर चोरट्यांनी मशिनच उचकटून नेले आहे. शहरात मागील तीन ते चार महिन्यांत घडलेल्या 'एटीएम'मधील रोकड किंवा मशिन चोरीच्या पाच घटनांपैकी एकाही घटनेचा तपास लागलेला नाही.
गॅस कटर वापरून एटीएम कापून आठ लाखांची रोकड लंपास केल्याचा प्रकार वाकड दत्तमंदिर रस्त्यावर सोमवारी (२७ जानेवारी) सकाळी उघडकीस आला आहे. मशिन कापताना गॅस कटरमुळे आग लागल्याने आठ लाखांपैकी काही रक्कम जळाल्याचे दिसून येत आहे. परंतु, या नोटांची राख झाल्याने नेमक्या किती नोटा चोरल्या आणि किती जळाल्या याचा अंदाज बांधता येत नसल्याचे बँक अधिकारी आणि पोलिसांचे म्हणणे आहे. या मशिनमध्ये असलेले आठ लाख रुपये तेथे नसल्याचे उघडकीस आले आहे.
0 comments:
Post a Comment
Please add comment