रेल्वे स्टेशनवर 5 रुपयात मिळते हवेपासून बनवलेले पाणी

                                

तेलंगणाच्या सिंकदराबाद रेल्वे स्टेशनच्या प्लॅटफॉर्म नंबर 1 वर हवेपासून बनवलेल्या पाण्याची विक्री होते. या पाण्याची बाटलीसह  8 रुपयांना विक्री होते. ग्राहक स्वतःच्या बाटलीत 5 रुपयांमध्ये हे पाणी खरेदी करतात.
 

कियोस्क इंस्टॉल : जल उर्जा मंत्रालयाने या पाण्याला आरोग्यासाठी योग्य असल्याचे प्रमाणपत्र दिल्यानंतर साउथ सेंट्रल रेल्वेने येथे नुकतेच कियोस्क इंस्टॉल केले. याचे ऑटोमेटिक वॉटर जनरेटर रोज 1 हजार लीटर पाणी तयार करून ते स्टीलच्या टँकमध्ये जमा करतात.

दरम्यान हा टँक पाण्याला खराब करत नाही व पाण्याला नेहमी ताजे ठेवते. हवेपासून पाणी तयार करण्याच्या मेघदूत नावाच्या तंत्राला मैत्री एक्वाटेकने मेक इन इंडिया अंतर्गत तयार केले आहे.

 मशीन पर्यावरणाला अनुकूल : साउथ सेंट्रल रेल्वे अधिकाऱ्यांच्या मतानुसार, मशीन पर्यावरणाला अनुकूल असून ते कोणत्याही पाण्याच्या स्त्रोतावर अवलंबून नाही.

 ही मशीन प्रत्येक वातावरणात काम करते. मशीन हवेतून थेट पाणी शोषून अनेक टप्प्यातून गेल्यावर पाणी जमा होते.

असे होते तयार पाणी :

सर्वप्रथम हवेचा प्रवाह मशीनमध्ये जातो. जेथे त्यातील डस्ट पार्टिकलसोबत इतर प्रदुषित तत्व शोषून घेतात. मशीनमधून निघणारी हवा थेट कूलिंग चेंबरमध्ये जाऊन त्याला थंड केले जाते. हेच पाण्यात रुपांतर होते व त्याचे थेंब-थेंब जमा होतात.
 जमा झालेले पाणी अनेक स्तरातून फिल्टर होते. त्यामुळे पाण्यातील प्रदुषित तत्व नाहीसे होऊन पाणी शुद्ध  होते. या पाण्याला देखील अल्ट्रा वॉयलेट किरणांमधून जावे लागते. त्यानंतर हे पाणी पिण्यायोग्य होते.

About Gosip4U

Gosip4U is the digital wing of india - India's leading media and communications group with its interests spanning across country.