देशाच्या सुरक्षितता, सार्वभौमत्वाला सर्वोच्च प्राधान्य आहे.

राष्ट्रीय संरक्षण प्रबोधिनी अर्थात एनडीएच्या १३७ व्या तुकडीचे आज दीक्षान्त संचलन होते. या कार्यक्रमाला संरक्षण मंत्री राजनाथ सिंह प्रमुख पाहुणे म्हणून उपस्थित होते. त्यावेळी देशाच्या सुरक्षितता, सार्वभौमत्वाला सर्वोच्च प्राधान्य आहे. त्याच्या आड येणाऱ्या कोणालाही सोडणार नाही. देशाच्या सुरक्षेला बाधा आणणाऱ्या प्रत्येकाला चोख प्रत्युत्तर दिले जाईल, अशी ग्वाही संरक्षण मंत्री राजनाथ सिंह यांनी दिली.

पुण्यातील खेत्रपाल परेड मैदानावर हा कार्यक्रम झाला. संरक्षण मंत्री राजनाथ सिंह यांनी एनडीएची मानवंदना स्वीकारली. ते पुढे म्हणाले, 'पंतप्रधान नरेंद्र मोदींनी डिफेन्स डिप्लोमसीवर भर दिला आहे. त्यांनी पाकिस्तानला जागतिक पातळीवर उघडे पाडले आहे. पाकिस्तान आता एकटा पडला आहे. कोणावरही आक्रमण करण्याचा आमचा उद्देश नाही. कुणी आमच्यावर आक्रमण केल्यास त्याला सोडणार नाही.'
'पारंपरिक युद्धात पाकिस्तान भारताला कधीच हरवू शकणार नाही. युद्धात पराभव पत्करायला लागल्याने पाकिस्तानने दहशतवादाच्या माध्यमातून छुप्या युद्धाचा मार्ग अवलंबला आहे. त्यातही पाकिस्तानला शिकस्तीशिवाय काहीही मिळणार नाही,' असे राजनाथ सिंह यांनी स्पष्ट केले. 




About Gosip4U

Gosip4U is the digital wing of india - India's leading media and communications group with its interests spanning across country.

0 comments:

Post a Comment

Please add comment